Ов да выв, Коми кыв!
«Дивöяса кытш» ворсöм.
Могъяс: Коми кыв дорö муслун чужтöм, сöвмöдöм.
Задачаяс: 1. Тöдмöдны выль кывъясöн.
2. Велöдны ас кежысь да чукöрöн уджавны.
3. Чужтыны öта-мöдöс пыдди пуктöм.
Нуöданног: Бöрйыны куим «тройка»; рекламнöй паузаяс дырйи челядь петкöдлöны сценка, лыддьöны кывбуръяс, висьталöны юöртöмъяс.
Оборудование: компьютер, ноутбук, интерактивнöй пöв(экран), козинъяс, югыдгöрд куд, шылада диск, литература: коми шусьöгъяс, Елена Габова «Дети древней земли», В.В. Таминлöн сборник, В.А.Савинлöн пьесаяс сборник.
Мероприятиелöн мунöм: Видза оланныд, челядь да гöсьтъяс! Талунъя урок миян кутас мунны оз пырся ног, а ворсöм моза. Тiянлы колö гöгöрвоöдны темасö шусьöгъяс отсöгöн да быдöнлы ас водзаныд пуктыны мог. Мый ме кöсъя тöдмавны, мый ме босьта аслым вежöрö водзö кежлö? Видзöдлöй дöска вылö: танi эм кык шусьöг, колö бöрйыны сылы роч пöв да гöгöрвоöдны сiйöс да темасö.
Корам медводдза тройка. Тiянлы татшöм юалöм: Кыдзи шусьö крышалöн да зорöдлöн ёсь йылыс? (сигöр- скат).
Вöзйöг: В.В.Тиминлöн кывбур лыддьöм.
Корам мöд тройка. Кывзöй юалöм: Тайö кывйыс коми уывйын петкöдлö öтитор, а роч кывйын кылö тадзи жö, но вуджöдчö мöд ног. Мый тайö? (зуд- точильный брусок, гыжъясьöм).
Вöзйöг: В.А.Савинлысь «Шондi петiгöн дзоридз косьмис» пьесаысь сценка петкöдлöм.
Корам коймöд тройка. Ми ставöн радейтам кучик кöмкот да огö мöвпыштöй, мыйысь вöчöны. Тайö кöмыс небзьöдöм кöр куысь, оз радейт ва. Кыдзи шусьö тайö кучикыс? (нярку - замша).
Вöзйöг: Юöртöм: Финно-Угорскöй вужвойтыр йылысь.
Видзöдысьяскöд ворсöм: Водзын истöгыд эз вöв да вöрö кыйсьысьяс новлöдлiсны биаиз(огниво, кремень), бива (трут). Мыйысь вöчисны бива? (пакула-чага). Сiйöс пуисны пöима ваын, вундалiсны, небзьöдiсны, косьтiсны. Новлöдлiсны кучик нопйын.
Вöзйöг: Медводдза коми анбур йылысь юöр.
Финал: Тайö кывйыс важöн вуджöдчис кыдзи «стен» кыв, паныдасьö сiйö и кузьта мерайтöмын, 8 метра кузя. (берд: «Стенысь бердö ветлыны» не находить себе места.)
Суперигра: Кыдзи комиöн лоö клей? (лем)
Кывкöртöд: Вочавидзöй, мый ме босьта аслым вежöрö водзö кежлö? Дипломъяс да козинъяс козьналöм.
| 