- Текст кузя уджалöм. Кывкуд серти удж. 15 минут.
|
А öнí , ёртъяс, видлалам став приёмсö практика вылын. Восьтам учебникъяс 255 лист бок 456 удж. Лыддям вöвлöмторсö. (Челядь лыддьöны öти сёрникузяöн.)
Ошпи.
1.Кывта ньöжйöникöн ю кузя ветки пыжöн, ог зįль шызьöдны ывлавывса лöньлунсö. 2.Кöнкö бöрвылын пальсмунлö мык, кылыштö лэбачьяслöн сьылöм, валань нёровтчöм пу корсюрö дзуртыштлö. 3.Кывтį ылöдзкодь нин, радла ывлаыскöд тшöтш. 4.Друг казялį: турун пöвсттį котöртįс – тупыльтчис мелань кутшöмкö сьöдруд ёкмыль. 5.Öдйöджык тшукнитį пыж нырöс берегö , ачым зэв öдйö чеччи пыжысь да дзебси бадь пöвстö. 6.Видзöда да, тайö ошпи тай. 7.Сįйö сувтыштлįс, мурзыштįс да мöдöдчис мелань. 8.Менö эз казяв, а аддзис пыжöс.9. Матыстчис да кутįс исасьны.
10.Видзöда, мый жö кутас вöчны водзö. 11.А сįйö исасис – исасис, кайис пыж дорö да, эз и тöдлы, патурликсис пыжö. 12.Чеччис да босьтчис исавны пыдöссö. 13.Исасигтырйи мунįс бöжланьыс. 14.Пыжлöн нырыс лыбыштįс. 15.Пыжöй вöрзис, кутįс ньöжйöник кывтны. 16.Меным зэв окота лои тöдмавны, мый мöдас вöчны ошпиыд. 17. Нюмъяла да видзöда. 18.Друг юрын визнитįс мöвп: кöнį нö сылöн мамыс? 19.Сįйö, гашкö, ме бöрся кыйöдчö, а ме дзикöдз ылалį. 20.Пыж ньöжйöникöн пыр кылалö и кылалö. 21.Ошпи казялįс, мый татшöмыс сыкöд некор на эз вöвлы, да кутįс горзыны.22. Вöрас, месянь неуна водзынджык, трачнитįс ув.23. Ме повзи, сувтį. 24.Берегö петįс ошпилöн мамыс. 25.Сыкöд вöлį нöшта öти пи.26. Ме бурджыка сайöдчи.27. Менам шуд вылö, тöлыс меланьö пöльтįс, ошкыд морт дуксö эз кыв.
28.Пыж кылалįс, а ошпи горзįс. 29.Мамыс да мöд ошпиыс вöтчисны пыж бöрся. 30.Ме гусьöн, лов шы лэдзтöг вöтчи на бöрся.31. Тадзи ми мунįм ылöдзкодь. 32.Нем виччысьтöг пыжöй сувтįс, тыдалö, лыа кöсаö крукасис. 33.Ош келįс пыж дорö, босьтįс писö шошаöдыс, ёнакодь куимысь шлапнитįс сылы. 34.Весиг ме кылį тайö шысö. 35.Ош гораа мурöстįс да ылöдз шыбитįс писö берегö. 36.Мöд пиыс котöртįс вокыс дįнö, кутįс нювны сįйöс. 37.Сэсся лöвтыгтырйи кыкнанныс котöртįсны вöрлань. 38.На бöрся ньöжйöникöн вöтчис и мамыс.
Вот ми лыддьым тíянкöд тайö вöвлöмторсö. А мый сэтшöмыс вöвлöмтор? (Челядь вочавидзöны). Да, тайö збыльтор. Текст бöрын тíян эм кывъяс, кодъясöс колö видзöдлыны кывкудысь. (Челядь лыддьöны кывъяс да налысь значениесö).
- Кутшöм ещö кывъяс абу гöгöрвоанаöсь?
- Кымын юкöн вылö позьö юкны миян текстнымöс? (4 юкöн).
- Лыддям медводдза абзац и видлам мыйтакö дженьдöдны. Сетам да гöгöрвоöдам ним. Мый йылысь танí мунö сёрниыс? Кутшöм кывъяс отсöгöн ми восьтам сёрнитанторсö? Вермам дженьдöдны 1 да 3 приёмъяс отсöгöн. Видзöдлöй медводдза сёрникузя вылö. Сёрникузяыс прöстöй али сложнöй? Осложнитöма али абу? Мыйöн осложнитöма? (Öтсяма сказуемöйясöн). Лыддям грамматика подувсö тайö сёрникузяысь. (Кыввта, ог зíль шызьöдны.) Вайöй мöд сказуемöйыслысь соссяна кывторсö шыбитам, кутшöмкö кыв вежам, мый миян артмас? (зíля видзны лöньсö). Кыдзи позьö шуны тайö юкöнсö? (Ю кузя кывтíгöн).
- Лыддям мöд абзац. Медводдза сёрникузяысь тшöтш жö колям абу ёна колантор.
- Ёна-ö колö миянлы мöд сёрникузяыс? Оз кö, вермам кольны.
- Лыддям коймöд абзацсö. Кыдзи тí чайтанныд, вермам – ö ми йитны мöдöд да коймöд абзацсö? Коймöд абзацысь медводдза сёрникузя колям. А мöдöд сёрникузясö йитам мöд абзацысь бöръя сёрникузякöд, колям мый оз ков. Витöд сёрникузясö йитам квайтöдыскöд , сíдз жö колям ковтöм кыв. Кöкъямысöд сёрникузясö колям. Йитам дас коймöд да дас витöд сёрникузяяс.
Гижам план.
План:
- Ю кузя кывтįгöн.
- а) Ошпи кывтö пыжын.
б) Мамыс локтįс
3. Мам дорйö писö.
Дженьдöдöм изложение.
Ошпи.
Кывта ньöжйöникöн ю кузя ветки пыжöн, зįля видзны ывлавывса лöньлунсö. Кöнкö бöрвылын пальсмунлö мык, кылыштö лэбачьяслöн сьылöм, валань нёровтчöм пу корсюрö дзуртыштлö. Кывтį ылöдзкодь нин, радла ывлаыскöд тшöтш. Друг казялį сьöдруд ёкмыль. Видзöда да, тайö ошпи тай. Сįйö сувтыштлįс, мурзыштįс да мöдöдчис мелань. Менö эз казяв, а аддзис пыжöс. Матыстчис да кутįс исасьны. Исасис – исасис, кайис пыж дорö да патурликсис пыжö. Чеччис да босьтчис исавны пыдöссö. Исасигтырйи мунįс бöжланьыс. Пыжлöн нырыс лыбыштįс, пыжöй вöрзис, кутįс ньöжйöник кывтны. Меным зэв окота лои тöдмавны, мый мöдас вöчны ошпиыд. Друг юрын визнитįс мöвп: кöнį нö сылöн мамыс? Гашкö, ме бöрся кыйöдчö, а ме дзикöдз ылалį. Пыж ньöжйöникöн пыр кылалö и кылалö. Ошпи кутįс горзыны. Вöрас, месянь неуна водзынджык, трачнитįс ув, петįс ошпилöн мамыс. Сыкöд вöлį нöшта öти пи. Ме бурджыка сайöдчи. Менам шуд вылö, тöлыс меланьö пöльтįс, ошкыд морт дуксö эз кыв.
Пыж кылалįс, а ошпи горзįс. Мамыс да мöд ошпиыс вöтчисны пыж бöрся., а ме - на бöрся. Тадзи ми мунįм ылöдзкодь. Нем виччысьтöг пыжöй сувтįс, тыдалö, лыа кöсаö крукасис. Ош келįс пыж дорö, босьтįс писö шошаöдыс, ёнакодь куимысь шлапнитįс сылы, шыбитįс писö берегö. Мöд пиыс котöртįс вокыс дįнö, кутįс нювны сįйöс. Сэсся лöвтыгтырйи кыкнанныс котöртįсны вöрлань. На бöрся ньöжйöникöн вöтчис и мамыс.
Может кодкö мöдногöн кöсъйö дженьдöдны. Видлöй.
- Лыддям, кодлöн кыдзи артмис.
|