Куритчöмлöн лёклун.

Куритчысь пагöдö асьсö ачыс. Куритчöм паськалiс вочасöн. Европаöдз сiйö воöдчис Америка восьтöм бöрын.

Медводз табак лыддьыссис бурдöдчан быдмöгöн. Русьын сыöн бурдöдiсны малярия, кынмалöм. Сэсся регыд лои тöдса табаклöн организмлы лёк вайöмыс. Куритчöмысь стрöга накажитлiсны.  Вöлi шусьöг : «Кодi куритчö, сiйö понйысь лёкджык».

Учёнöйяс серти, куритчысьлöн нэмыс во вит вылö дженьдаммö. Быд куритöм сигарет чинтö олöмысь 15 минут. Кутшöм кывкöртöд вöчинныд аслыныд?

Син.

Син отсöгöн морт торйöдö югыд да пемыд, рöм да рöмсер. Синлöн öтувъя удж отсалö юкны ылыс да матыс, тöдчöдны пыдiлун да ыджда.

Мортлöн син эз пыр ло татшöмöн, кутшöмöн öнi. Учёнöйяс тöдöны, кыдзи лоис синмыс черилöн. Медводз ваын олысь пемöсъяслöн кучик вылын лоины югыд кылысь ичöтик чутъяс. И öнi на саридз пыдöсысь позьö аддзыны татшöм «первобытнöй синма» черияссö. Нервнöй система сöвмöмöн сöвмис да вежсис и син.

Ми аддзам сöмын югыд дырйи.

Кöр(Вкус).

Опытъясöн тöдчöдöма, мый кокни удж, гуляйтöм ёсьтöны кöр кылöм, а сьöкыд удж бырöдö сiйöс. Тшыгъялöм содтö юмов дорö кылöм, а чинтö шома дорö. Югыд да температура отсалöны вежлавны кöр кылöм. Пажын бöрын кöр кылöм усьö кык пöв, а часöн – джынйöн мысти бара заводитö содны.

Кöр кылöм зэв колана и сетö организмлы лада олöм мукöд кылöмкöд тшöтш.

Кыдз жö сöвмöдны бур кöр? Сёян мед эз вöв вывтi пöсь либö вывтi кöдзыд. Сiдзжö колö бура видзны пиньяс-найö тшöтш отсалöны кывны кöр. Кöр топыда йитчöма вытькöд, а сiдзкö, и гырклöн да тырплöн бур уджкöд.

Бурдöдчан турун.

Быдмöгъяслöн бурдöдчан сямыс тöдса важысянь. Неолит эпоха кадся раскопкаяс кодйысьöъяс дырйи вöлi сюрöмаöсь предметъяс турун-быдмöг нырöм да пуöм вылö. Бурдöдчан быдмöгъяс йылысь медводдза гижöдъясыс шумеръяслöн, кодъяс овлöмаöсь öнiя Ирак местаын миян эраöдз 6 сюрс во сайын.

Русьын тшöтш важысянь тöдiсны турунъяслысь бурдöдчан вын. Тöдöмлунъяссö топыда видзисны да вуджöдiсны сöмын рöд костын. Татшöм йöзсö шуисны тöдысьясöн.

Шведъяскöд тыш дырйи Пётр 1 казялiс некымын быдмöглысь шензьöдан бурдöдчан вын.

Миян странаын лекарствояс дасьтыны быд во вöдитчöны 220 сикас турунысь 30 сюрс тоннаысь унджык сырьёöн.

Градвыв пуктас.

Градвыв пуктас-тайö туруна быдмöг. Наын уна витамин, кодъяс колöны морт организм сöвмöмлы. Витаминтöг весиг дзоньвидза морт слабмö, заводитöны киссьыны пиньяс, слабмö син.

Быд витаминлöн аслас коланлун. Шуам, витамин А тырмытöм кыскö бöрсяыс  син висьöм.

Кор оз тырмы витамин С, усьö аппетит, челядь тшöкыдджыка висьöны инфекция висьöмöн. Уна витамин С сола да свежöй кöчанын, помидорын, кушманын,сёркниын.

Мед не висьны, колö сёйны унджык градвыв пуктас.